Bihar hasiko den hileko zine programazioa jakinarazi du Baztartxo antzokiak, eta guztira, 11 ikus-entzunezko lan ikusteko aukera izango da datozen asteetan: helduei zuzendutako sei film zein dokumental eskainiko dituzte antzokian, eta umeei zuzendutako beste bost emanaldi izango dira: horietatik lau film emanaldiak izango dira, eta bestea, Go!azen telesailaren 13. denboraldiko lehen atalaren proiekzioa izango da.
Helduentzako honako film eta dokumental hauek eskainiko dituzte azaroan Baztartxon: Naza, Leones en invierno, Muguruza FM 40 Tour, Sacamantecas, Los miserables eta Kontinental '25; azken hori Matadero Zinetogram taldeak antolatutako zineforum saioa izango da.
Haurrei zuzendutako saioak, bestalde, honako bost hauek izango dira: Dino familia, Balea kantariaren kondaira, Go!azen, El gato con sombrero eta Ratoncitos en apuros.
Hona hemen azaroko eskaintzaren egutegia:
- Azaroak 1: Dino familia.
- Azaroak 1 eta 2: Naza.
- Azaroak 8: Balea kantariaren kondaira.
- Azaroak 8 eta 9: Leones en invierno.
- Azaroak 10: Kontinental '25.
- Azaroak 14,15 eta 16: Muguruza FM 40 Tour.
- Azaroak 15: Go!azen.
- Azaroak 22: El gato con sombrero.
- Azaroak 22 eta 23: Sacamantecas.
- Azaroak 29: Ratoncitos en apuros.
- Azaroak 29 eta 30: Los miserables.