Joan zen larunbatean xakeko bi hitzordu izan zituzten Anaitasuna-Kakute taldeko kideek. Batetik, Santiago Osiok Debako (Gipuzkoa) Xake Festan parte hartu zuen, eta bestetik, Alaitz Hidalgo Higuera de la Serenako (Espainia) txapelketan aritu zen. Biek ala biek emaitza onak lortu zituzten.
Osiok zazpigarren egin zuen Debako txapelketan, lau puntu batuta, eta garaipena lortu zuen Julen Larrañaga oñatiarrak baino 1,5 puntu gutxiagorekin. Hidalgo, berriz, onena izan zen bere mailan. Bi jokalariek lortutako emaitzak azpimarratu ditu Azkoitiko xake taldeak; ere, biak dira harrobiko kideak.