Ertzaintzak Azkoitiko gizon baten aurkako diligentziak zabaldu ditu, eta sexu askatasunaren aurkako delitu bat egin duelakoan, hura ikertzen ari da polizia. Azpeitiko epaitegiaren esku dago kasua.
Poliziaren arabera, gizon batek adin txikiko bi neskari aurpegian musuak eman zizkien joan zen astearte gauean, eta gertaera horien berri izan ostean, Ertzaintzak ustezko egilea atzeman zuen gertaerak jazo eta minutu batzuetara.