Izaro Quevedo arkeologoaren zuzendaritzapean, Aranzadi zientzia elkarteak hasi da Azkoitia eta Azpeitia arteko Munoaundi Burdin Aroko herri harresitua induskatzen, 21. aldiz. Astelehenetik ari dira aztarnategian lanean hamar bat lagun, eta aurten induskatzen ari direnak arkeologo profesionalak izanik, astebete baino gutxiagoan gauzatuko dituzte lanak; izan ere, larunbatean amaituko dute aurtengo ekinaldia.
Sei hektareako muino horretan, Arazanzadik indusketarako zabalik dituen hiru eremuetako bigarrenean ari dira arkeologoak duela 2.500 urte herri antolatu hartan bizi izan zen gizakiaren informazioaren bila; hau da, hego-mendebaldera begira dagoen 400 metro koadroko gunean, harresiaren puska bat zein etxebizitzak egon ziren zatia ari dira aztertzen.