Goizean baino herritar gutxiagorekin, baina jai giro paregabean igaro zuten atzo arratsaldea Urrategi auzoan, herriko zaindariaren egunean. Eguerdian bezala, trikiti doinuak izan ziren nagusi eguna amaitu bitartean, Zabale, Aintzane Agirrebeña eta Lutxurdio trikitilariek eskainitako erromeriarekin agurtu zituzten-eta auzoko festak.
Erromeria baino lehen ere izan zen zertaz gozaturik arratsalde partean Urrategin: izan ere, umeentzako jolasak, puzgarriak eta tailerrak prestatu zituzten aurrena, eta Maria Arandiaren magia ikuskizunaz gozatzeko aukera ere izan zuten. Segidan, herri kirol saioa eskaini zuten Haritz Aranguren Norde eta Lierni Osa harri jasotzaileek eta Julen Alberdi Txikia IV.-a eta Iker Vicente aizkolariek.
(Argazkiak: Ibon Errazu)
