Praka Motxakin udaleku irekietan dabiltzan haurrek San Fermin Txiki Eguna ospatuko dute etzi, asteazkena. Iruñeko San Fermin jaietan bezala, herriko haurrak zuri-gorriz jantziko dira. LH 4 eta LH 6 mailatako haurrek parte hartuko dute hitzorduan.
Eguerdia baino lehen, ohi bezala, pregoia irakurriko dute hainbat lagunek udaletxeko balkoitik, eta ondoren, 12:00ak puntuan direnean, suziria botako dute. Danbatekoa entzun eta segituan aterako dira Kontzejupetik zezenez jantzita beste hainbat lagun, eta haien aurrean entzierroa egingo dute haurrek, Oteizaren frontoietara arte.