Nora Arozena saskibaloi jokalariak (Azkoitia, 2008) AEBetako Boston College taldean jokatuko du aurrerantzean. Iraurgi Saskibaloia taldeak sare sozialetan eman du albistearen berri: azkoitiarrak NCAA txapelketako lehen mailako ACC dibisioan jokatuko du datorren sasoian.
17 urte baldin baditu ere, azken urteetan urrats erraldoiak eman ditu Arozenak. ISBren teknifikazio mailan hasi zen hura 8 urterekin, eta amaitu berria den denboraldian Domusa Teknik ISB taldearen parte izan da pibot azkoitiarra. ISBk Arozena zoriondu nahi izan du: "Zorionak Nora, segi lanean eta ikasten. Zorterik onena opa dizugu zure abentura berri honetan".