Isilune Zirkuluak ikasturteko azken bilkura egin zuen atzo, osteguna, 19:00etan hasita, plazan. Giza elkartasunaren festa ospatuz borobildu zuten hilabetez hilabete egindako lana han elkartu ziren dozenaka lagunek, eta besteak beste, bertsoekin, hitzartzeekin nahiz abestiekin amaitu zuten ikasturtea. Ordu erdi inguruko saioaren ostean, mokadutxo batekin agurtu zuten elkar.
"Giza eskubideen urraketak" salatzeko eta "gizatasuna plazara" ateratzeko asmoz, bost elkartek hilero antolatzen dute Isilune Zirkulua egitasmoa: Gernika-Palestina taldeak, Darahli elkarteak, Marea Urdina elkarteak, Loiolako Jesusen Lagundiak eta Azkoitiko Parrokiak.
Udako oporrak tarteko, etena egingo du orain Isilune Zirkuluak, baina irailean ekingo diote berriz hileroko jardunari.