Born to dance dantza eskolak ikasturte amaierako jaialdia eskainiko du etzi, zapatua, Baztartxo antzokian (19:00). Glow & Flow izeneko ikuskizuna aurkeztuko dute eskola horretako dozenaka lagunek.
Ohi bezala, askotariko dantzak eskainiko dituzte jendaurrean, hala nola areto dantzak eta musikal edo funky girokoak. Eskola horretako ordezkariek adierazi dute Glow & Flow ikuskizuna ez dela soilik dantza jaialdi bat izango. "Argiek gidatuko dute bidea, musikak lotuko ditu bihotzak, eta pauso bakoitzak istorio bat kontatuko du".
Entradium atarian eskuratu daitezke emanaldirako sarrerak.