Urtean zehar ikasitakoak jendaurrean erakutsi zituzten atzo, asteartea, Kanku eskolako karatekek. 18:30ean hasi zuten ikasturte amaierako jaialdia Elkargunean, eta maila guztietako ikasleek parte hartu zuten hitzorduan, haurrek eta helduek. Gainera, karatean aritzen diren ikasleekin batera parte hartu zuten tai txian aritzen diren taldeko kideek ere. Hainbat herritar hurbildu zen ikuskizunaz gozatzera.
Bestalde, herriko karate taldeak balorazio "baikorra" egin du 2026ko denboraldiaz. Ikastaroetan, txapelketetan eta erakustaldietan izan dituzten emaitzekin "oso pozik" azaldu da kluba.