Zubiberri taldeko gimnastek jaialdia egin zuten atzo arratsaldean Elkarguneko kantxa nagusian, eta herritar andanaren aurrean aurkeztu zuten haiek ikasturtean zehar ikasitakoa. Hain zuzen, gimnastika erritmikoaz gozatzeko aukera izan zuten han elkartu zirenek, dozenaka haur zein gaztek askotariko saioak eskaini baitzituzten ordu eta erdiz luzatu zen ikuskizunean.
Ohiko moduan, musikaren erritmora eskaini zuten erakustaldia gimnastek bakarka zein taldean, eta zintak, uztaiak, zein mazoak erabiliz gauzatu zituzten haiek koreografiak.