Azkoitiko Gazte Asanbladak (AGA) antolatuta, Diario Socialista hedabideak ekoitzitako Munstroak sortzen direnean izeneko dokumentala ikusteko aukera izan zuten dozenaka lagunek atzo, asteazkena, Baztartxo antzokian.
Ikus-entzunezko lan horrek erakusten du Europako hainbat herrialdetan ultraeskuinak indarra nola hartu duen, eta era berean, horren kontrako borroka zein den azaldu. Baztartxora bertaratu zirenek nazioarteko militante eta ekintzaile antifaxisten zein kazetarien elkarrizketak ikusi zituzten, besteak beste.
