Plaza Ondo jubilatuen elkarteak Bilbora egun pasa egingo du hil honen 18an, ostegunez, eta gaur, asteartea, zabaldu dute irteera horretarako izen ematea. 09:00etatik aurrera ariko dira elkarteko kideak bidaia egiteko txartelak saltzen.
Ohi bezala, autobusez egingo dute irteerarako bidaia, Aizkibel liburutegiaren alboko autobus geralekutik 09:00etan abiatuta. Bilbora joko dute zuzenean, eta han Bizkaiko hiriburua ezagutzeko parada izango dute herritarrek. 14:00etan bazkaria egingo dute, eta bazkalostean, Getxo bisitatuko dute.
Elkarteko bazkide direnek 45 euro ordaindu beharko dute bidaia, eta bazkide ez direnek, 50 euro.