Datozen egunetan film bakar bat emango dute Baztartxo antzokian: El beso de la mujer araña. Film hori zapatuko eta igandeko 19:30ean eta asteleheneko –ikuslearen eguna– 20:00etan emango dute. Aste honetan ere ez da haurrei zuzendutako emanaldirik izango.
El beso de la mujer araña film musikal bat da, drama oinarri duena. Valentin preso politiko bat da, eta hark Molinarekin elkarbanatuko du ziega, eskandalu publikoagatik zigortutako erakusleiho apaintzailearekin. Molinak Hollywoodeko musikal baten trama kontatuko du, Ingrid Luna diva gogokoena protagonista duena.