Aire(h)ari bikotearen kontzertuarekin hasi zen atzo, larunbata, Udaberriko 34. Musikaldia. Igancio Arakistain piano jotzaileak eta Oscar Rodriguez harmonium jotzaileak osatutako bikoteak Haydn, Franck, Widor, Stravinsky eta Wagner konposatzaileen piezak eskaini zituen Santa Kutz komentuan.
Herritar hainbat izan ziren Azkoitiko Udalak antolatutako emanaldian. Gainera, herrigunetik komentura joateko eta handik itzultzeko doako autobus zerbitzua eskaini zuen erakundeak, eta hainbat izan ziren zerbitzu hori baliatu zutenak.
2024an sortu zuten Aire(h)ari bikotea, Oiartzungo Organozaleak Elkarteak bultzatuta, eta orduz geroztik, hainbat kontzertu eskaini dituzte Arakistainek eta Rodriguezek.