Ipintza auzoan irisgarritasuna hobetzeko lanak egin ditu Azkoitiko Udalak. Zehazki, bi espaloi zati eraiki ditu hango eraikin banaren inguruan, aurretik zegoen espaloiari jarraipena emateko eta sarbideak hobetu ahal izateko asmoz. Izan ere, udalak azaldu du, eraikinen alboetan orain arte moztuta zegoela espaloia, eta beraz, oinezkoen pasabidea etenda zegoela.
Horrez gain, barandak ere jarri dituzte segurtasuna hobetzeko asmoz, eta banku berriekin atondu dute auzoa. Guztira, 49.803 euroko kostua izan dute lanek.