Herriko sei saltoki desberdinetan erosketak egiten dituztenen artean bidaia bat zozkatuko du Herrixen merkatari elkarteak. Ginkana izeneko kanpaina jarri zuen abian merkatari elkarteak atzo, astelehena, eta herritarrek maiatzaren 18ra arte parte hartu ahalko dute bertan.
Herrixen elkarteko saltokien zigiluak lortu beharko dituzte erosleek merkatari elkartearen zozketan parte hartzeko. Hain justu, sei zigilu lortu beharko dituzte herritarrek, baina zigilu bakoitza saltoki desberdin batean egin beharko da.