Azkoitiko Gazte Asanbladak (AGA) boxeoko hirugarren entrenamendua antolatu du etzirako, zapatua. Azkoitiko Gaztetxean egingo dute saioa, 11:00etan hasita. Antolatzaileek adierazi dute maila guztietara egokitutako entrenamendua izango dela zapatukoa, eta hori hala, herritarrak animatu dituzte bertan parte hartzera.
Era berean, jakinarazi dute lan saioa osatzeko adina material egongo dela Gaztetxean, baina parte hartzaile bakoitzari bere eskularruak eta bendak eramatea aholkatu diote. Saioan parte hartu nahi duenak Gaztetxera azaldu beharko du zapatuan ordurako.