Azkoitiko Gazte Asanbladakoek ireki berri duten Gaztetxerako materiala bildu dute gaur plazan: 11:30 aldera mahaia jarri dute plazako arkupeetan, eta herritarrek emandako materiala jaso dute.
Gaur egun osorako ekitaldiak dituzte antolatuta AGAkoek, eta arratsaldean Gaztetxean jarraituko dute ekintzekin: 17:00etan, euskal dantza tailerra egingo dute, eta 20:00etan, Itxaso Alberdik eta Nora Unanuek kontzertu akustikoa eskainiko dute.
Bihar, berriz, 18:00etatik aurrera, Istorio beltzak edo asmakizunak izango dituzte Gaztetxean.