Asteazkenean emakume bat hilda aurkitu zuten Basaurin (Bizkaia), eta poliziak emakumearen bikotekidea atxilotu du gaur Bilbon, indarkeriazko hilketa egotzi diote. Biktimak 44 urte zituen, eta atxilotutako gizonak 45 urte ditu. Urola Erdiko Itaiak Basauriko hilketa matxista salatzeko elkarretaratzera deitu du bihar, larunbata, Indarkeria matxistari aurre egin! lelo hartuta. Azkoitiko plazan 13:00etan egingo dute elkarretaratzea.
Itaiak "babesa eta elkartasuna" adierazi die Basaurin hildako emakumearen ingurukoei, eta indarkeria matxistarekin bukatzeko borroka eta antolakuntza indartu beharra aldarrikatu ditu, "aski da!".
Udalaren gaitzespena
Azkoitiko Udalak "irmoki gaitzetsi" du Basaurin gertatutako "ustezko hilketa matxista", eta "babesa eta elkartasuna" adierazi dizkio biktimaren familiari eta hurbilekoei. Udalak adierazi du bat egiten duela antolatzen diren gaitzespen ekimenekin, eta herritarrak parte hartzera deitu ditu.