Asteburu emankorra izan da Oteiza pilota elkarteko gaztetxoentzat. Atzo, Inar Olanok eta Denis Santosek infantilen mailako Gipuzkoako binakako txapelketa irabazi zuten 18 eta 10 Ilunpe elkarteko bikotearen kontra.
Infantilen bigarren mailan, berriz, Ekain Juaristik eta Xanet Aranak Mendebalde txapelketa 18 eta 4 irabazi zuten Aretxabaletako bikotearen kontra, eta kimuen lehen mailan, Lur Juaristik eta Julen Zinkunegik beste horrenbeste egin zuten, Aretxabaletako bikotea 16 eta 6 mendean hartuta.
(Argazkiak: Oteiza pilota elkartea)