Bizkargi musika eta dantza eskolako biolin ikasleek emanaldia eskainiko dute bihar, asteazkena, Elkarguneko Oteiza aretoan. Entzunaldi horretan ikasleen lana, ilusioa eta ahalegina erakusteko aukera izango dute herritarrek. 18:30ean hasiko da emanaldia, eta partaideek hainbat estilotako piezak joko dituzte, denak ere konposatzaile ezagunenak.
Musikaz beteriko giro atsegin eta hurbilean, herritarrek biolinaren doinuak zuzenean entzuteko eta musika-esperientzia aberasgarria bizitzeko aukera izango dute, hala. Guztira, 11 ikaslek parte hartuko dute hitzorduan, eta horiek beste horrenbeste abesti eskainiko dituzte jendaurrean. Hona hemen etziko entzunaldiaren egitaraua:
- Mariam Zaidani: Café con Hielo (Alfaras)
- Alazne Azkune: Minuet 2 (J. S. Bach)
- Eriet Ruiz: Minuet 1 (J. S. Bach)
- Nahikari Mera: Air (Haendel)
- Maddi Larrañaga: Concertino in G (Nikolic)
- Maren Tobar: Hornpipe from Water Music (Haendel)
- Iratxe Nieva: Gavotte (Becquer)
- Ainhize Subinas: Concertino Nº 34 (Rieding)
- Ane Arriola: Concertino Nº5 (Seitz)
- Aitor Azkoitia: Concertino Nº 34 (Rieding)
- Oihan Elortza: Concertino Nº2 (Huber)