Martxoaren 17a da gaur, greba eguna Hego Euskal Herrian, eta Azkoitian ere nabaria da horren eragina egunaren lehen orduetan. Langile askok uko egin diote lanera joateari eta enpresa askotako ateak ez dituzte zabaldu ere egin, baina lanean ari zirenek piketeen bisita izan dute goizean. Kontseilu Sozialistak deituta, 08:30ean elkartu dira anbulatorio aurrean, eta herrian barrena ibili dira zabalik ziren negozioetako langileei eta herritarrei greba egiteko arrazoiak azaltzen. 09:30ean gosaldu egin dute liburutegiaren atarian, eta ondoren, 10:00etan, Donostiako manifestaziora abiatu dira.