24. Korrikan lekukoa eramateko aukera zozkatuko du Herrixenek. Martxoaren 28an, larunbatez, igaroko da euskararen aldeko egitasmoa Azkoititik, eta azken urteetan bezala, herriko merkatari elkarteari egokitzen zaion kilometro zatian lekukoa eraman ahal izango dute herritarrek.
Zozketan parte hartzeko, herriko saltokietan erosketak egin, eta horietan adierazitako txartelak norbere datuekin bete beharko dira. Nolanahi ere, Korrikako materialaren hiru sorta ere zozkatuko ditu Herrixenek. Parte hartzeko azken eguna martxoaren 19a, osteguna, izango da. Zozketa hilaren 29an egingo du merkatari elkarteak.