Gorka Etxaniz Floreaga taldeko bolari azkoitiarrak garaipena eskuratu du 55. Gipuzkoako Hiru Txirlo Bola Joko Txapelketaren lehen jardunaldian. Herenegun, zapatua, Elgoibarko (Gipuzkoa) San Pedro bolatokian zabaldu zuten txapelketa, eta bolari azkoitiarra izan zen onena, lehian parte hartu zuten 70 lagunen artean.
Etxanizek Asola Berri taldeko bolariak izan zituen lehiakide garaipena eskuratzeko bidean. Azkoitiarrak sei txirlo bota zituen, eta bat gutxiago Arkaitz Rodriguezek, Enara Montielek eta Alex Camposek. Aldiz, bi txirlo gutxiago bota zituzten Xabier Loiolak (San Migel) eta Ganix Rodriguezek (Asola Berri).
Datorren asteburuan jokatuko dute bigarren jardunaldia, Leitz Gatzagako (Gipuzkoa) bolatokian (17:00). Txapelketak, guztira, hamar jardunaldi izango ditu, eta Azkoitiko Floreagan jokatuko dute azkena, maiatzaren 30ean.