Azkoitiko Udalaren Berdintasun arloak martxoaren 1ean Donostian jokatuko den 36. Lilatoira joateko autobusa du antolatuta. Erakundeak gaur, asteazkena, jakinarazi du oraindik lekua dagoela Donostiara autobusez bidaia egiteko. Zerbitzua doakoa da, baina soilik Donostiara joateko izango da; izan ere, autobus horrek ez du itzulerako zerbitzua eskainiko.
Autobusean lekua gorde nahi duenak otsailak 25era arteko epea izango du. Horretarako, udaleko Kultura sailean eman beharko da izena, kultu@azkoitia.eus helbide elektronikora idatzita, edota, goizez, 943-85 71 70 telefonora deituta. Plaza kopurua "mugatua" da, eta eskaeren ordena errespetatuko du udalak lekua gordetzeko. "Ahalik eta emakume gehien lasterketan parte hartzera animatu" nahi ditu erakundeak.
Lasterketara joateko, Aizkibel liburutegiaren alboko geralekuan hartu beharko da autobusa, 08:30ean.