Azkoitiko, Azpeitiko eta Zestoako hainbat gaztek bat egin dute gaur, beste urte batez Urola Erdiko gazte asanbladen topaketak ari direlako ospatzen. Aurten, Azkoitian elkartu dira gazteak, eta egunari hasiera emateko solasaldia izan dute Kontzejupean; hain zuzen, Zergatik gaztetxe bat? galderaren pean askotariko ertzak jorratu dituzte udaletxe azpian elkartutako dozenaka lagunek.
Hausnarketa politikorako eta eztabaidarako espazioa sortu nahi izan dute antolatzaileek hitzaldiarekin, eta ondoren, ekintza informalagoek hartuko dute tartea. Honako egitaraua du topaketak:
- 13:00. Karropoteoa.
- 14:30. Bazkaria, Ikurrinaren Plazan.
- 16:00. Umore bakarrizketa, Asier K-ren eskutik, Kontzejupean.
- 17:00. Pilota ikuskizuna, Goiko Losan.
- 19:00. Eraldatzen, Derrunbe eta Min taldeen kontzertuak, Kontzejupean.
- 23:00. Disko jartzaileen saioak, Hika tabernan.
