Hego Euskal Herrian gutxieneko soldata propioa ezartzearen alde, greba orokorra dute deituta martxoaren 17rako ELA, LAB, Steilas, ESK, Hiru eta Etxalde sindikatuek. Gutxieneko soldata 1.500 eurora igotzea, eta orain artekotik kopuru horretara arteko diferentzia Hego Euskal Herriko gobernuek jartzea eskatzeko egin dute greba deialdia.
LGS hemen erabaki leloarekin hartuko dituzte langileek Euskal Herriko hiriak eta herriak datorren hilaren 17an, eta egun horri begira, Azkoitiko greba batzordeak bigarren batzar irekia deitu datorren biharko, otsailak 19. Greba deialdiari buruzko azalpenak eta egun horren aurretik nahiz egunean egin beharrekoez hitz egiteko elkartuko dira. Elkarguneko Floreaga aretoan egingo dute batzarra, 18:30ean hasita.