Itaia emakumeen antolakunde sozialistak sortutako irakurle taldeak datorren hitzordua iragarri du: otsailaren 14an, larunbatez, elkartuko dira, eta Alana S. Porterok idatzitako La mala costumbre (Seix Barral) eleberria jorratuko dute irakurleek saio horretan. Kultur Etxeko areto nagusian bilduko dira, 11:00etan.
XX. mende amaieran Madrilgo auzo batean girotutako istorioak askotariko gaiak jorratzen ditu azaldu du taldeak, hala nola Franco hil ondorengo trantsizio garaia, transexualitatea, errepresioa, beldurra, generoa eta langile klaseko auzoak.
Itaiaren arabera, irakurle taldearen saioen helburua da, liburuko gaiak hizpide izanda, emakume langileen "egungo kezkei, interesei eta zalantzei" buruz hitz egitea zein "eztabaida politikoa sortzeko espazio seguru bat" sortzea da; izan ere, taldeak oso garrantzitsutzat jo du halako espazioak egotea. Era berean, azaldu du saioa informala izango dela, kafe eta gosari baten bueltan arituko baitira hizketan.