Azkoitiko Musika Bandak Urtezahar eguneko kontzertua eman du gaur eguerdian Kontzejupean. Gaurko egunez ohikoa den moduan, musikazale ugari elkartu ditu herriko musika bandaren emanaldiak. Carlos Muñoz zuzendariaren aginduetara, musika bandakoek hainbat konpositore ezagunen melodiak jo dituzte.
Ross Roy (Jacob de Haan), The lion King (Paul Lavender), Feelin' good (Michael Bublé), The 80’s (John Higgins), Coco (Eduardo Moreno), Tapia ta Leturia (Lantz Unanue) eta Radetzky martxa (Johann Strauss) abestiak jo ditu Azkoitiko Musika Bandak eguerdiko emanaldiak. Kontzejupean bildu diren herritarrek gozatu ederra hartu dute, eta modu goxoan agurtu dute urtea.
Gaurko emanaldiaren ondoren, gainera, Koldo Manterola bandakideak hamabost urtez bandan egin duen ibilbidea aitortu du Azkoitiko Musika Bandak. Gorka Larrañaga artista azkoitiarrak egindako marrazkiaren koadroa eman diote Manterolari oroigarri gisa.