Urteko azken eguna mendian igarotzeko gonbidapena egin zien Anaitasuna mendi bazkunak herritarrei, eta hainbat lagun animatu dira hitzordura. Ohi bezala, Kakuetara irteera egin dute gaur goizean, eta txangoa alaitzeko, trikitilariak ere izan dira.
09:00etan abiatu dira mendizaleak Balda plazatik, eta oinez egin dute Kakuetako tontorrerako bidea. 10:30ak aldera, argazkia atera dute gurutzean, eta Berastegiko bordara joan dira segidan. Han, trikitilariak arduratu dira giroa alaitzeaz, eta hamaiketakoa ere eskaini dute antolatzaileek, debalde.
(Argazkiak: Anaitasuna mendi bazkuna)