Urteko azken eguna mendian igarotzeko gonbidapena egin die Anaitasuna mendi bazkunak herritarrei. Ohi bezala, Kakuetara irteera antolatu du, eta txangoa alaitzeko, trikitilariak ere izango dira.
09:00etan abiatuko dira mendizaleak Balda plazatik, eta oinez egingo dute Kakuetako tontorrerako bidea. 10:30ak aldera, argazkia egingo dute gurutzean, eta Berastegiko bordara joango dira atzetik. Han, trikitilariak arduratuko dira giroa alaitzeaz, eta hamaiketakoa ere eskainiko dute antolatzaileek, debalde.