Herrixen merkatari elkarteak martxan du Gabonetako kanpaina. Abenduaren 18ra bitartean Herrixenen dendetan Azkoitia txartelarekin erosketak egiten dituzten herritarrak askotariko produktuekin osatutako 23 saskiren zozketan sartuko dira.
Herrixenek abenduaren 20an, larunbatez, Portaleburu erakusketa aretoan banatuko dizkie saskiak irabazleei. Egun horretan egingo diete udalak eta merkatari elkarteak merkatari txikiei aurtengo urteko aitortza ekitaldia, 13:30ean hasita. Zozkatuko dituzten saskiak Rural Kutxak Plazaberrian duen egoitzako erakusleihoan daude ikusgai.