Enara Lanzeta dantza eskolako ikasleek haien lehenengo jendaurreko emanaldia eskaini zuten atzo arratsaldean, larunbata, Azkoitiko Berdura Plazan.
Aurten zabaldu dute dantza eskola, eta lehenengo ikuskizunean, urduritasuna gainditu zuten ikasleek eta dotore egin zuten dantza senideen, lagunen eta herritarren aurrean.
Hogei bat ikaslek parte hartu zuten emanaldian, eta erakutsi zuten Enara Lanzeta eskolako lehen ikasturtean denetarik ikasi dutela: dantza latindarrak, komertzialak, fusioak, zumba girokoak…