Txapeldun berriak ditu Kontzejupeko pilota txapelketak

Andoni Elduaien 2025eko azaroaren 30a

Guztira, zazpi final jokatu dituzte arratsaldean, Kontzejupe pilotalekuan. Benjamin mailako finalak izan dira jokatu dituzten aurrenak, eta nagusien mailakoa, azkena. Jende ugari elkartu da beste urte batez San Andres arratsaldeko hitzorduan.

Oteiza pilota elkarteak antolatuta, 51. Kontzejupeko Pilota Txapelketaren finalak jokatu dituzte gaur, San Andres eguna, Azkoitiko Kontzejupean. 16:00etan hasita, guztira, eskuz binakako zazpi final jokatu dituzte Oteiza elkarteko pilotariek.

Benjamin mailako finalekin ekin diote hitzorduari. Hain justu, benjamin mailako bi final, kimuen mailako beste bi, haurren mailako beste bi eta nagusien mailako bat ikusi ahal izan dituzte pilotazaleek plazan. Aurreneko partidak laster erori dira alde batera, baina azkenekoak estuak eta emozio handikoak izan dira. 

Hona hemen gaurko emaitzak, mailarik maila:

Benjaminen B maila:

  • Oihan Zabala eta Oihan Lete 16-7 Libe Santos eta Urki Arana

Benjaminen A maila:

  • Aimar Azkune eta Beñat Moreno 16-3 Jon Arozena eta Ekain Segurola

Kimuen B maila:

  • Eritz Zabaleta eta Haize Aramendi 16-4 Martin Iraeta eta Eki Elorza

Kimuen A maila:

  • Lur Juaristi eta Beñat Andola 16-6 Enaitz Andola eta Julen Zinkunegi

Haurren B maila:

  • Aitzol Garate eta Igor Arrieta 12-16 Omar Krikeb eta Aimar Iturralde

Haurren A maila:

  • Denis Santos eta Joab Diaz 18-17 Oihan Mendizabal eta Xanet Arana

Nagusien maila:

  • Mikel Aranbarri eta Alejandro Juaristi 18-22 Julen Etxaniz eta Aitor Azkoitia

Azkoitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide