Miren Iriondok irabazi du Azkoitiko Herrixen merkatari elkartearen Super Astea kanpaina 500 euroko erosketa bonua. Merkatari elkarteak atzo, ostirala, egin zuen zozketa; Odriozola Ardoak saltokian egokitu zen saria, zehazki, hango bezeroa den Iriondori.
Herrixenen kanpaina honek badu berezitasun bat: irabazleak zapatu goiza du bakar-bakarrik 500 euroko bonua gastatzeko, eta, hain justu, Iriondo saltokiz saltoki ibili da gaur goizean Herrixeneko Sara Rodriguez teknikariak eta bi Zakel Marik lagunduta. Askotariko produktuak eskuratu ditu hark.