Baztartxo antzokiak jakinarazi ditu abenduan zer film eta dokumental eskainiko dituzte. Guztira, hamabi lan ikusteko aukera izango da han urtea amaitu bitartean: helduentzako zortzi eta haurrentzako lau.
Helduen filmen artean, filmak eta dokumentalak tartekatuko dituzte datorren hilean. Batetik, Akelarre marearen kontra eta Lurdes Iriondo, ez gera alferrik pasako dokumentalak eskainiko dituzte, eta bestetik, Nuremberg, Golpes eta Frontera filmak. Horiekin batera, Zinetogram taldeak antolatutako zineforum saioetan emango dituzte The Mastermind, Un simple accidente eta Bogonia filmak. Haurrentzako, bestalde, lau film emango dituzte datozen asteetan: Olivia y el terremoto invisible, Tigre galdua, Hanna y las Navidades olvidadas eta Extincion.
Ohi bezala, larunbatetako eta igandeetako helduen emanaldiak 19:30ean hasiko dira, eta astelehenetakoak nahiz astearteetakoak, 20:00etan. Umeen igandeetako emanaldiak, berriz, 17:00etan hasiko dira. Ohi bezala, astelehenean izango dira ikuslearen eguneko emanaldiak, eta asteartean, Zinetogramek antolatutako zineforum saioak.
Hona hemen abenduko egitaraua:
- Abenduak 2: The Mastermind filmaren zineforuma.
- Abenduak 6 eta 7: Akelarre marearen kontra dokumentala.
- Abenduak 7: haurrentzako Olivia y el terremoto invisible filma.
- Abenduak 8: Lurdes Iriondo, ez gera alferrik pasako dokumentala.
- Abenduak 14: haurrentzako Tigre galdua filma.
- Abenduak 14 eta 15: Nuremberg filma.
- Abenduak 16: Aro berria filma.
- Abenduak 21: haurrentzako Hanna y las Navidades olvidadas filma.
- Abenduak 21 eta 22: Golpes filma.
- Abenduak 23: Un simple accidente filmaren zineforuma.
- Abenduak 28: haurrentzako Extincion filma.
- Abenduak 28-29: Frontera filma.
- Abenduak 30: Bogonia filmaren zineforuma.