Azkoitiko Musika Bandak Santa Zezilia eguneko kontzertua emango du etzi, zapatua, Kontzejupean. 12:15ean hasiko da herriko musika bandaren emanaldia, eta, guztira, zortzi abesti eskainiko ditu. Hainbat autoreren lan ezagunak eskainiko dituzte udaletxe azpian.
Azaroaren 22an ospatu ohi da musikarien egunari lotutako Santa Zezilia eguna, baina, aurten, helduen danborrada egun horretan egingo da Azkoitian. Hori horrela, astebete aurreratu du Azkoitiko Musika Bandak kontzertua. Hona hemen zapatuko kontzertuaren egitaraua:
- A Santa Cecilia (Radaelli)
- Caballería ligera (F. Von Suppe)
- Pepita Greus (Pascual Perez Chovi)
- El Caserio-Preludio (Jesus Guridi)
- Barcelona (F. Mercury & M. Moran)
- Coco (Eduardo Moreno)
- Tapia ta Leturia (Lantz Unanue)
- Mexico (Francis Lopez)