Azkoitiko Elikagaien Bankuak gaur hasi du udazkeneko janari bilketa handia. Hango kideak herriko Eroski eta BM supermerkatuetan izango dira gaur eta bihar, eta herritarrek bi modutara egin ahal izango dute ekarpena: iraungitze data luzea duten produktuak (lekaleak, arroza edota pasta) hara eramanda edota bonu ekonomikoa erosita, elkarteak ondoren beharrezko produktu freskoak eros ditzan. 09:00etatik 21:00etara bitartean izango da Elikagai Bankua herritarren laguntza jasotzen.
Aurten, 70.000 lagunek jo dute elikagai bankuetara Araban, Bizkaian eta Gipuzkoan. Iaz, tona eta erdi janari bildu zuten udazkeneko kanpainan, eta kopuruak handia badirudi ere, martxorako Gipuzkoako biltoki asko hutsik zeuden. Horregatik guztiagatik, dohaintza egitera animatu dituzte elikagai bankuetakoek herritar guztiak.