Azkoitiko helduen danborradan parte hartzen duten danbor eta barrika jotzaileek aste honetan egingo dituzte zapatuan, hilaren 22an, egingo duten festarako azken entseguak. 77. aldia izango du aurten Azkoitiko helduen danborradak, eta urterik urte hazten ari denaren seinale, aurten ere beste talde bat gehituko da festara: Izarraitz areto futbol taldea.
Danborrada 22:00etan abiatuko da Baztarrikaldetik, eta 500 lagun baino gehiagok zeharkatuko dituzte herriko kaleak eta plazak. Urtero moduan, Azkoitia Gukak SoundCloud atarian entzungai jarri ditu danborradan jo ohi diren pieza guztiak, bai kalejiran jotzen direnak, bai plazetan egiten dituzten geldialdietan jotzen dituztenak.
Iaz, San Martin martxa gehitu zuten danborradara —Azkoitia Gukaren zerrenda honetako azken abestia da—, eta hala, 11 izango dira guztira danbor jotzaileek zapatuan jo beharko dituzten piezak. Honako hauek dira danborradaren antolatzaileek Azkoitia Gukari utzitako abestiak: