Paulina Biegun mendizaleak hitzaldia eskaini zuen atzo arratsaldean Elkargunean, De la roca a la resiliencia izenburupean. Anaitasuna Mendi Bazkunak antolatutako saioan mendizale poloniarrak Pico de la Forcanadan (Aran bailara) izandako eroriko larriaz jardun zuen hizketan; izan ere, heriotzaren atarian izan zen Espainian bizi den mendizalea istripu haren ondorioz.
