Gipuzkoako Bertsozale Elkarteak emakume eta genero disidenteentzako bertsotarako trebatze saioak prestatu ditu, zortzi urteren ondoren datorren urtean berreskuratuko duen Gipuzkoako Herriarteko Txapelketaren harira.
Eskualdeka ari da gauzatzen egitasmoa, eta Urola bailarari dagozkion saioak hilaren 21ean, –datorren asteartean–, eta hilaren 31n, ostiralez, egingo dituzte Azpeitiko Dinamoa sormen gunean, 18:30ean. Bi orduko saioak izango dira.
Interesa duen edonork izena eman dezake trebatze saioetan, eta horretarako, erniarraitz@gmail.com helbide elektronikora mezua idatzi edo 688-82 63 47 telefono zenbakira deitu behar da.