Esku pilotako lau eta erdiko txapelketako A Serieko edo lehen mailako eta B Serieko edo promozio mailako partida bana jokatu zituzten atzo Gurea pilotalekuan.
Maila nagusiko partida Joseba Ezkurdiak irabazi zuen, Iker Larrazabalen kontra 22-19 eginda. Promozio mailako partidan, berriz, Beñat Senarrek irabazi zion Julen Egiguren Egiguren V.a pilotari azpeitiarrari, 22-20 eginda.
Txapelketetako final-laurdenez gainera, binakako pilota partida batez gozatzeko aukera izan zen atzo herriko pilotalekuan. Txapelketaz kanpoko neurketa Aitor Elordik eta Beñat Rezustak 22-8 irabazi zuten Iñaki Artolaren eta Martxel Iztuetaren kontra.
