Azkoitiko Udaleko Prebentzio arloak eta Jaso Burue taldeak hitzaldi bat antolatu dute biharko, asteazkena. Mugikorrak adin txikikoen artean sortzen duen mendekotasunaz eta horren aurrean familiek egin dezaketenaz hitz egingo du Aida Arroyo Ortzadar fundazioko kideak. Elkarguneko Oteiza aretoan izango da hitzaldia, 18:00etan hasita, eta herritar ororentzat irekia izango da.
"Mendekotasunak ezin dira soilik substantziekin lotu. Egun, bideo-jokoek, sare sozialek, erosketek, mugikorrak edota jokoak, besteak beste, adikzio mota berriak sortu ditu. Munduko Osasun Erakundearen arabera, lau pertsonatik batek badu jokabide-nahasmenen bat sustantziarik gabeko adikzioekin zerikusia duena", azaldu du udalak.