Erniarraitz elkarteak bertso afaria antolatu du azaroaren 21erako, ostirala. Errezilgo Letea jatetxean egingo dute hitzordua, eta Sustrai Colina eta Jexux Mari Irazu ariko dira kantuan, trikitilariek lagunduta.
Dagoeneko eman daiteke hara joateko izena, Letea jatetxean bertan, 943-81 28 87 telefono zenbakira deituta. 28 eurokoa izango da afariaren ordaina.
Erniarraitz bertsozale elkarteak 25 urte bete ditu aurten. Irailean egin zuten urtemuga ospatzeko festa, eta Gukak honako bideo erreportaje hau egin zuen jaiaren atarian.