Urriko lehen film emanaldiak izango dira zapatutik asteartera bitartean, Baztartxo antzokian. Eskaintza zabalarekin irekiko du antzokiak hilabete berria, guztira, hamar film emango dituzte-eta urrian zehar han. Lehen egun hauetan, Una batalla tras otra, Super Elfkinak eta Romería filmak emango dituzte.
Una batalla tras otra filma 19:30ean emango dute zapatuan eta igandean, eta astelehenean –ikuslearen eguna–, 20:00etan. Igandean 17:00etan emango dute haurrentzako Super Elfkinak filma, eta astearteko 20:00etan, Zinetogram taldeak antolatutako Romería filma.