Raka Maraton taldeak gaur, astelehena, zabaldu du azaroaren 22an, larunbatez, Azkoitiko herriko kaleetan zehar jokatuko den XX. Herri Lasterketarako izen-ematea. San Andres jaien barruan antolatu ohi du atletismo talde horrek hamar kilometroko proba, eta aurten, urteurren borobila ospatuz egingo dute.
Herriko plazan hasiko da proba 16:30ean, eta korrikalariek hamar kilometroko ibilbidea osatu beharko dute ibilbideari bi itzuli eginez. Guztira, 350 lagunentzako dortsalak eskainiko ditu Raka Maraton taldeak; dortsala lortzeko 13 euro ordaindu beharko da izen-ematea. 16 urtetik gorakoek parte har dezakete lasterketa herrikoian.
Izena alde aurretik egin nahi dutenek, Herrikrosa webgunean dute horretarako aukera; azaroaren 21ean, 16:00etan itxiko dute inskripzioa online egiteko epea. Informazio gehiago nahi duenak informazioa@rakamaraton.com helbide elektronikora idatz dezake.