Zabalik da Azkoitia eta Urretxu arteko GI-631 errepidea. Atzo, asteazkena, lur jausi handia izan zen aurreratzeko bigarren erreia ateratzeko lanetan ari diren eremuan, Igarako zubia igaro ondoren –Azkoititik Urretxurako noranzkoan– Gipuzkoako Foru Aldundia gauzatzen ari den obretan. Langileak luizia garbitzeko eta errepidea ahalik eta lasterren zabaltzeko lanetan aritu dira gauean, eta Segurtasun sailak jakinarazi duenez, goizaldeko 03:30ean ireki dute errepidea. Ordea, ibilgailuei pasoa txandaka ari diren ematen une honetan, semaforoen bidez.
13:30erako hitzartu zuten beharginek errepidearen gainaldeko mendia txikitzeko leherketa atzo, eta hain justu, eztanda horrek eragin zuen luizia, harriak, lurra eta babeserako jarrita zeuden babes hormak eraitsiz. Urola ibairaino heldu zen lur jausia, ibai ertzeko petrilak hausteraino.
