Aizkibel liburutegiak ohiko ordutegia izango du datorren astelehenetik aurrera. Udan ordutegi desberdina izan ohi du liburutegiak; hain justu, ordutegi berezian zabaldu ohi dute liburutegia uztailean eta abuztuan. Astelehenean, baina, urteko gainerako hilabeteetan izan ohi duen ordutegian zabalduko dute.
Astelehenetik ostiralera goizez eta arratsaldez egongo da zabalik liburutegia: goizez, 09:00etatik 13:00etara izango dute erabiltzaileek liburutegia zabalik, eta arratsaldez, 16:00etatik 20:00etara. Asteburuetan, berriz, larunbatetan bakarrik irekiko dute Aizkibel, 10:00etatik 13:00etara bitartean.
Besteak beste, kontsulta, erreprografia, hemeroteka, wifi, mailegu, Internet eta datu baseetarako sarrera zerbitzuak eskaintzen ditu herriko liburutegiak. Liburutegiko zerbitzuez informazio gehiago nahi duenak 943-85 08 98 telefono zenbakira deitu beharko dute, edo bestela, liburutegia@azkoitia.eus helbide elektronikora idatzi.