Azkoitiar gizon bat hil da gaur goizean, Donostian, Paseo Berriko itsas zeharkaldian parte hartzen ari zela. Igerilariari bihotzekoak eman dio 12:40 aldean, Aquariumaren inguruan, zeharkaldiaren bukaeran.
Uretako moto batean atera dute gizona itsasotik Kontxako hondartzara. Han artatu dute larrialdi zerbitzuek, eta suspertzen saiatu badira ere, hil egin da.
Fortuna klubak antolatzen du proba, eta parte hartzailearen heriotza tarteko, bertan behera utzi dute sari banaketa ekitaldia.